<<Մեկ կուսակցություն, մեկ բնակարան>> ՀՀԿ-ն դարձավ հիմնադրամի աջակից՝ նվիրաբերելով 2 բնակարան

Մեկ կուսակցություն մեկ բնակարան նախաձեռնության շրջանակներում ՀՀԿ-ի և Գյումրին առանց տնակների հիմնադրամի միջոցներով Գյումրիում երկու անօթևան ընտանիքի խնդիր լուծվեց:

2017թ-ի հուլիսի 4-ին Բարեկամության այգու տնակում բնակվող Մինասյանների բազմանդամ ընտանիքը 27 տարի անց կարողացավ տեղափոխվել բնակարան և ապրել արժանավայել: Ճիշտ է, բնակարանը վերանորոգման կարիք ունի, բայց դա Մինասյաններին չի վախեցնում:

Հաջորդը Սարգսյանների ընտանիքն է: Մոտ 30 տարի տնակային դժվարին պայմաններում ապրելով, նրանք էլ վերջապես ունեցան իրենց երազանքի սեփական տունը:

Երկու բնակարաններն էլ հատկացվել են ՀՀԿ-ի միջոցներով, իսկ պակասը լրացվել է Գյումրին առանց տնակների հիմնադրամի ֆոնդից: