Հիմնադրամը ստեղծվել է միավորելու մարդկանց միևնույն նպատակի շուրջ, որն է ազատել Գյումրին տնակներից և մինչ օրս տնակներում բնակվող մարդկանց ապահովել ավելի բարեկեցիկ բնակարաններով, ուր կկարողանա աճել ու զորանալ տնակներում բնակվող վերջին սերունդը՝ տնակային կյանքն անթեղելով հիշողության դարաններում։ Հիմնադրամը գրանցված կազմակերպություն է. Վկայական 03Ա1033146 տրված 24,12,2015 ։
Նվիրատվությունների գործընթաց
Ինչպես նվիրատվություն կատարել հիմնադրամի համար:
Էջի վրա գտնել նվիրատվություն կոճակը և օգտվելով հրահանգից՝ կատարել փոխանցում։ Փոխանցում կատարելու համար անհրաժեշտ է լրացնել բոլոր նշված դաշտերը։
Ինչպես նվիրատվություն կատարել կոնկրետ տնակաբնակ ընտանիքի համար: Էջի վրա տեղադրված տնակային ընտանիքների պատմություններից նվիրատուն կարող է ընտրել այն ընտանիքը, որին ցանկանում է նվիրաբերել իր գումարը, և օգտվելով տվյալ ընտանիքի վրա բացվող նվիրատվության հրահանգից, կարող է իր փոխանցումները կատարել տվյալ ընտանիքի համար՝ «նպատակ» բաժնում նշելով տվյալ ընտանիքի ներկայացված անդամի անուն ազգանունը և տնակի համարը։ Տվյալ տնակի ընտանիքին բնակարան ձեռք բերելու համար նվիրաբերված գումարը հրապարակային է տվյալ ժամանակի համար: Գումարը հիմնադրամի հաշվին պահվում է այնքան ժամանակ, մինչև տվյալ տնակում բնակվող ընտանիքին հարմար բնակարանի համար միջոցների ամբողջական հայթայթումը և ձեռքբերումը:
Գումարային փոխանցումների անխափան գործընթացի ճշգրտության մեջ վստահ լինելու համար նվիրատուն պետք է ճիշտ լրացնի պահանջվող բանկային, անձնական, և այլ տվյալները, գումարի չափը։ Սխալ մուտքագրումների արդյունքում խափանումների համար հիմնադրամը պատասխանատվություն չի կրում։
Գումարային փոխանցումները կատարելիս, նվիրատուն պետք է տեղեկացված լինի այն մասին, որ նվիրատվության գումարից փոխանցումներ իրականացվող բանկը գանձում է միջնորդավճար։
Փոխարենը, Ձեր ճիշտ և ուշադիր գրանցումները կնպաստեն Ձեր գումարային փոխանցումների հասանելիությունը մեր ընդհանուր նպատակների համար՝ օգտակար լինելով տնակներում ապրող մարդկանց։
Հիմնադրամի պարտավորությունները
Հիմնադրամը պարտավորվում է ստացված նվիրատվությունները ծառայեցնել բացառապես տնակաբնակ գյումրեցիների բնակարանային պայմանները բարելավելու նպատակով: Հիմնադրամը վստահեցնում է, որ այդ գումարները չեն ծախսվի այլ նպատակներով: Այս գործընթացի թափանցիկությունն ու անաչառությունը երաշխավորվում են կայքում տեղադրված հաշվիչ համակարգերի օգնությամբ, որոնց միջոցով նվիրատուները կարող են տեսնել հավաքված գումարների չափերը՝ փոխանցված հիմնադրամի կամ ընտրված ընտանիքների հաշվին: Նվիրատուները նվիրատվության գործարքից հետոիրենց կողմից փոխանցված գումարները հիմնադրամի հաշվեհամարներին նստելուց առավելագույնը 3 աշխատանքային օրվա ընթացքում համապատասխան բաժնում կարող են տեսնել իրենց անուն, ազգանունները և կատարված նվիրատվությունների չափը: Հիմնադրամը երաշխավորում է նվիրաբերությունների բաժնում մուտքագրած ցանկացած տեսակի տեղեկատվության գաղտնիությունը և ապահովությունը։
Նվիրատուների իրավունքները
Նվիրատուներն իրավունք ունեն
- հիմնադրամի կայքին և գործունեությանը վերաբերող ցանկացած հարց հղել հիմնադրամին և ստանալ սպառիչ պատասխաններ:
- պահանջել երաշխիքներ՝ իրենց նվիրատվությունների հասանելիության և օգտագործման համար:
- պահանջել հիմնադրամին տրված իրենց մասին տեղեկատվության գաղտնիության ապահովումը։
Հիմնադրամի կայքին և գործունեությանը վերաբերող ցանկացած հարցով ցանկացած պահի կարող եք կապվել մեզ հետ։ Մենք կտանք Ձեզ հետաքրքրող հարցերին սպառիչ պատասխաններ։ Բոլոր իրավունքները պաշտպանված են։